Langrois. - Inventaire en double exemplaire des pièces contenues dans les précédents cahiers. • 1512 Voir dans l'inventaire Ajout à votre panier

Présentation du contenu

- « Pièces que maistre Jehan de Beaulmont, grant archediacre de Langres, veult estre veues par le conseil pour le paiement de sa pension : et premièrement la coppie de la bulle de notre sainct père Clement septiesme, pape de Rome, donnée en Avignon tertio nonas junii le neufiesme an de sa papaulté parlaquelle est narré que d'ancienneté le grant archediacre de Langres par prevencion avoit pareille jurisdiction que l'evesque dud. Langres et pour apaiser les noises et debats qui en venoient, au moien desquelz les crimes et delictz souvent demouroient impugniz, en la présence des procureurs de Bernard lors evesque et de Jean Poterii archediacre ; et de leur consentement fut statué et ordonné par led. Pappe Clément septiesme que doresnavant toute la jurisdiction dud. Archediacre seroit et apartiendroit aud. Evesque de Langres et afin que la dignité archidiaconale ne demourast sans douaire fut statué et ordonné que, en recompense de lad. Jurisdiction, led. Archediacre qui lors estoit et qui pour le temps avenir prendroit tous les ans quatre cens lucatz de ferrance... ; plus la coppie d'une autre qui se commance Martinus episcopus servus servorum donnée a Rome nonas maii, l'an dixiesme de la papaulté dud. Martin pappe cinquiesme, laquelle bulle s'adresse aux doiens de l'église Nostre-Dame de Dole au diocèse de Besançon et aulx offlciaulx de Besançon et de Chaalon sur la Saône et est narrative de lad. Bulle et constitution dud. Pappe Clément septiesme ; par laquelle seconde bulle ung nommé Jehan Jobert lors grant archediacre dud. Langres donne à entendre que combien que Charles, lors evesque dud. Langres, et ses predecesseurs eussent accoustumé de paier lad. Pencion de quatre cens ducatz, neantmoins led. Evesque estoit refusant de luy payer, et à ceste cause la cause auroit esté commise Jordano episcopo lequel auroit mis et restitué led. Archediacre de Langres en sa possession et condempné led. Charles, evesque de Langres, à luy paier lad. Pencion tant du temps passé lue du temps advenir, laquelle sentance auroit confirmée per Franciscum episcopum, etc. ».

Date de l'unité documentaire

1512

Description physique

(Liasse.) - 2 pièces, papier.

Descripteurs

Cotes extrêmes : G 1003